N
el magico silenzio del deserto
sento un brusio lontan, un strano rumor
Me fermo apena in tempo,
de colpo diventa un assordante fragor.
Strano ma vero, sto teremoto me par noto.
Incredulo e sbalordido me vien de pensar:
cossa anca de quà passa auto e moto?
Fulminei i me rifila, i me passa proprio rente;
per poco non i me trasforma in carta assorbente!
Se diventai tuti mati gente? me vien de zigar;
co vedo scrito su una tabela “Parigi - Dakar”
Orpo, andè in malora vostra; lassene in pase!
Gavè.. ciapà la sabia del deserto
per l’asfalto delle strade?
Cossa fè ste gare!
Con tute le miserie che ghe xe a sto mondo;
malatie, povertà, sporchizia, disordine e guere.
Saria ora de rifleter in “largo e longo.”
Rispetè la natura ghe zigo drio,
sperando che i me senti;
anca qua xe vita, anca qua xe serpenti.
Filo via veloce e penso che non xe più religion;
cossa ve par, non go ragion?
*Echidna: serpente del deserto
Nevio Mastrociani Bertola